預防及舒緩濕疹 護理筆記分享
唉...又到濕疹好發天氣，諾媽自細係敏感皮膚體質，細個就經常生 #蕁麻疹 ，青春期後就變成生 #濕疹 😓到宜家濕疹都與我常在🙁好明白痕到訓唔到，R到痛至停到手嘅苦況...諾諾唔好彩都遺傳咗我嘅敏感體質，由BB時期皮膚麻麻，一直小心護理，情況都會時好時壞，前排又發過一輪，瞓都瞓唔好，慘豬😥希望我呢個綜合咗醫生建議+網上資訊+媽咪心得 嘅 #舒緩濕疹 分享可以幫到有需要嘅人～啱用可share文章/Tag朋友睇
✅ #勤保濕
#濕疹 係皮膚屏障有問題，失去咗保護能力，所以濕疹患者普遍都有皮膚乾燥問題；每日最少塗3次保濕乳霜，發病時基本上係無限次保濕！
✅ #低敏護膚品
日常嘅洗髮露、沐浴露、乳霜、修復霜一定要 #低敏 ，至於牌子適唔適合用其實真係要試過至知，有時頭一兩星期啱用，之後無效😑所以屋企係會有好多不同牌子低敏護膚品存貨以作更換用途
✅ #戒口
雖然自己好憎戒口，但發緊濕疹/好發天氣真係要乖乖戒口🙏🏻海鮮（包括魚）、濕熱生果🥭、麵包意粉類等要停下，原來菠菜、番茄、橙同芝士呢d 食物係 #高組織胺食物 會加劇病發時皮膚嘅痕癢程度 ，所以病發時記得戒埋！
✅開冷氣，減少出汗
濕同熱會令患者感覺上更加痕，所以病發時期最好減少太長時間曬太陽🌞同出汗。
筆記分享中無提及藥物同藥膏，因為濕疹係長期抗爭，最好能夠唔用藥物/類固醇，減少對身體健康嘅負荷，大家加油💪
#育兒分享 #皮膚護理 #皮膚敏感 #痕癢 #諾諾陽陽 #嬰幼兒濕疹 #hkkids #親子blogger #母乳媽媽 #momlife #媽媽日常 #hkiger #hkkol #hkmama #hkmother #hkftm #mamablogger #媽媽博客 #育兒分享
Search